No Shake, Baba-God Still Dey in Control

Message:
Today, make you calm your heart down, con remember sey Baba-God neva lose control. Even wen life scata, plans spoil, or tomorrow no clear, Baba-God hand still dey run your life. You fit feel confused or youdon taya, but no let doubt carry you waka. Trust Baba-God pass wetin your eye dey see. Wetin dey confuse you now fit be part of the process wey go bless you lata.
Sometimes Baba-God go allow strong-breeze come, no be to scata you, but to build your strength. Everi delay get lesson. Everi pain get meaning. Instead of asking “Why me?”, ask “Wetin Baba-God dey teach me?” Wen you stay patient and obedient, you go see sey Baba-God dey use everitin work for your good, even the ones wey pain you.

No rush yoursef. No compare your journey wit anoda persin own. Baba-God write your story wit Hin own hand. Your season go come. Wetin you dey wait for no lost—e just dey mature. As you move today, move wit confidence sey Baba-God dey order your steps. Even small progress still be progress. Hold on.
Remember sey Baba-God no dey late. E no dey forget promises. If He tok am, He go do am. Keep your heart clean, your hands busy, and your faith alive. One day, you go look back con thank Baba-God sey you no give up.

Bible Verse:
“Trust Baba-God wit all your heart, no depend on your own mind.”
— Proverbs 3:5 (Pidgin Bible)
“All tins dey work togeda for good for pipo wey love Baba-God.”
— Romans 8:28 (Pidgin Bible)

Prayer:
Baba-God, epp me make I trust You fully. Komot doubt plus impatience from my heart. Teach me hpw to sabi to wait and obey You. Amen.

Positive Confession:
Today, my heart calm. I trust Baba-God process. My life dey for Hin hand, and everitin go work out for my good. Amen.