Finish Strong, No Give Up

Message: Today, Baba-God dey remind you sey wetin mata no be how you start, but how you finish. Life fit taya you. Pipo fit disappoint you. Situation fit make you wan stop. But no give up now. You don waka too far to turn back. Any pesin fit start well, but na pesin wey endure reach end na hin win crown. Learn to fisnh wetin you start and fisnih strong. Baba-God no dey forget your labour. Everi prayer, everi water wey komot from your eyes, everi good work wey nobody dey see—Baba-God dey see all of dem. And reward dey come. Wen strength dey low, put body on Baba-God. Wen courage dey finish, ask Baba-God for more.

You no dey finish this race by your own pawa; na Baba-God strength dey carry you go. No let today struggle blind you from tomorrow glory. Night no dey last forever; morning must come. Hold hope tight. kotinu to dey move. Even small step still dey move you forward. Tell yourself today: “I go finish strong. Baba-God be my strength.”

Bible Verses: “Make we no taya to do good, becos for di right time, we go reap if we no give up.” — Galatians 6:9 (Pidgin Bible) “Baba-God wey start good work for you go complete am reach di end.” — Philippians 1:6 (Pidgin)

Prayer: Baba-God, give me strength to kontinu. Wen I weak, carry me. Help me finish dis journey strong, based-on Your will. Amen.

Positive Confession: Today, I strong in Baba-God. I no go give up. I go finish well, finish strong, and my testimony go loud. Baba-God dey with me to di end. Amen..